“O‘ZBEKISTON — 2030” STRATEGIYASI SHAROITIDA MILLIY IQTISODIYOTNING BARQAROR RIVOJLANISHINI TA’MINLASHDA INVESTITSION MUHITNI TAKOMILLASHTIRISH YO‘NALISHLARI

Annotatsiya

Mazkur maqolada “O‘zbekiston — 2030” strategiyasi doirasida milliy iqtisodiyotning barqaror rivojlanishini ta’minlashda investitsion muhitning o‘rni va uni takomillashtirishning ustuvor yo‘nalishlari tadqiq etilgan. Investitsion muhitning makroiqtisodiy barqarorlik, iqtisodiy o‘sish, ishlab chiqarish salohiyati, texnologik modernizatsiya va eksport imkoniyatlari bilan o‘zaro bog‘liqligi nazariy hamda amaliy jihatdan tahlil qilingan. Shuningdek, O‘zbekistonda investitsion faollik dinamikasi, xorijiy investitsiyalar va kreditlarning asosiy kapitalga yo‘naltirilishi hamda ularning tarmoqlar bo‘yicha tarkibi statistik ma’lumotlar asosida baholangan. Tadqiqot natijalari asosida institutsional va huquqiy barqarorlikni mustahkamlash, investitsiyalarni yuqori qo‘shilgan qiymat yaratadigan tarmoqlarga diversifikatsiya qilish, yashil va raqamli investitsiyalarni rag‘batlantirish, davlat-xususiy sheriklik mexanizmlarini takomillashtirish hamda hududlarning investitsion jozibadorligini baholash bo‘yicha ilmiy-amaliy takliflar ishlab chiqilgan.