OZIQ-OVQAT XAVFSIZLIGINI TA’MINLASHNING ILMIY, TARIXIY, ZAMONAVIY VA MOLIYAVIY QARASHLARI EVOLYUTSIYASI

Annotatsiya

Oziq-ovqat xavfsizligi tushunchasi vaqt o‘tishi bilan sezilarli darajada rivojlanib, oddiy oziq-ovqat yetishmovchiligining oldini olish masalasidan iqtisodiy, ijtimoiy, ilmiy, texnologik va ekologik omillarni qamrab oluvchi kompleks tizimga aylandi. Dastlab asosiy e’tibor oziq-ovqat ishlab chiqarish hajmini oshirish va ocharchilik xavfini kamaytirishga qaratilgan bo‘lsa, agrar fan, sug‘orish, mexanizatsiya, biotexnologiya va “Yashil inqilob” rivoji natijasida qishloq xo‘jaligi mahsuldorligi sezilarli oshdi. Shu bilan birga, tuproq degradatsiyasi, suv tanqisligi va ekologik muammolar kabi yangi xavflar ham kuchaydi. Bugungi kun talabi oziq-ovqat xavfsizligi nafaqat mahsulotlarning mavjudligi, balki ularning aholiga iqtisodiy jihatdan qulayligi, sifati, ozuqaviy qiymati va barqaror ishlab chiqarilish xalqaro standartlarga rioya qilish, sun’iy intellekt, aniq dehqonchilik, IoT, masofadan zondlash va raqamli monitoring kabi texnologiyalar resurslardan samarali foydalanish hamda ishlab chiqarish barqarorligini oshirishda muhim vositaga aylanmoqda. Investitsiyalar, imtiyozli kreditlar, sug‘urta va davlat hamda xususiy moliyaviy qo‘llab -quvvatlash mexanizmlari alohida ahamiyat ga ega. Shu sababli zamonaviy oziq -ovqat xavfsizligi ilm -fan, innovatsiya, samarali siyosat va barqaror moliyalashtirishni yagona tizimda uyg‘unlashtirishni taqozo etadi.